Categories
ఆంధ్రప్రదేశ్ తెలంగాణ పిలుపులు

కొట్ల, కార్యాలయాల పేరుపలకలపై తెలుగు కోసం పిలుపు

ఇంత వరకు మనము తెలుగు రచయితలను గౌరవిస్తే తెలుగును కాపాడుకున్నట్లే అనుకున్నాము. సాహితీకారులకు పారితోషికాలు ఇవ్వటం మాత్రమే మనం చేయాల్సినది అనుకున్నాము. కాని ఇది సరిపోదు అని ఆచరణలో తేలింది. దేశం మొత్తం మీద తెలుగు పరిస్థితి నానాటికి తీసికట్టుగ తయారు అవుతున్నది. తల్లి నుడిని కాపాడుకోవటం మన కర్తవ్యం అని సగటు మనిషి ఇక్కడ అనుకోవటం లేదు. జల్లికట్టు ఆడవద్దు అని అత్యున్నత న్యాయస్థానం తీర్పు ఇచ్చింది. ఇది వారి భాష మీద దాడి కాదు. వారి సంస్కృతిలోని ఒక చిన్న విషయం మీద తీర్పు అది. తమిళులు ఆ న్యాయస్థానంలో రివిజన్ పిటిషన్ వేయలేదు. ముఖ్యమంత్రులను వేయమని స్తోత్ర పాఠాలు చదవలేదు. ఇది అన్యాయం అని సమావేశాలు, తీర్మానాలు కానిస్తూ ఉండలేదు. ఒకే సారి 19 లక్షల మంది బయటకు వచ్చి “మేము ఎడ్ల తోటి రోడ్ల మీద ఆడతాం. బడ్లు ఎవరు మమ్మల్ని ఆపుతారో చూస్తాం”  అన్నారు.

తెలుగు కోసం సగటు మనిషిని ఇక్కడ కదిలిస్తేనే మన నుడి బ్రతుకుతుంది అని నందివెలుగు ముక్తేశ్వర రావు IAS గారు ఈ శనివారం (10-4-17) సాయంత్రం జరిగిన తెలుగు కూటమి రచ్చబండలో అన్నారు. అంతట సగటు మనిషి తెలుగు కోసం ఏమి చేయగలడు అన్న విషయాల మీద చర్చ జరిగింది. “ముందుగా ఒక విషయాన్ని తీసుకొని కదులుదాం, మిగిలిన విషయాలను తరువాత చూద్దాం.” అని నిర్ణయించారు. చివరకు కొట్ల/దుకాణాల/కార్యాలయాల పేరు పలకల మీద తెలుగు ఉండటానికి తెలుగు అభిమానులను కదలమని పిలుపు ఇద్దాం అని నిర్ణయించినారు. ఇది చట్టబద్ధమైన పని. దీనికి సంబంధించిన ప్రభుత్వాదేశాలను మనం సేకరించి అడిగిన వారికి ఇవ్వాలి. కొట్టు యజమాని దగ్గరకు వెళ్లి ఆయనతో, తెలుగును ప్రోత్సహించమని చట్టాలను గౌరవించమని కోరాలి. మొత్తం మీద ఈ పనిలో విజయం సాధించిన వారికి తగు సన్మానం, మెచ్చాంకు (appreciation letter), 5,000 రూపాయల పైకం కాన్క ఇవ్వాలి అని నిర్ణయించారు. వెంటనే చాల మంది ఈ పనిలో ముందుకు సాగుతాము అని తెలియజేశారు. అప్పుడు నరసింహప్ప IRS గారు దీనికి కావలసిన వనరులను సమకూరుస్తాను అన్నారు.

ఈ పని మొదలు పెట్టే వారు ముందుగా 94408 01883/ 95052 98565 తో మాట్లాడాలి. తరువాత ఇక్కడ కింది ఫారంలో తెలియజేయాలి. ముందుగా మనం ఈ పనిని జిల్లా ముఖ్య పట్టణాల నుంచి మొదలు పెడదాం అనుకొన్నాము. తెలుగు కోసం మొదలు పెట్టిన ఈ మొట్ట మొదటి భాషోద్యమ కార్యక్రమాన్ని నిజమైన తెలుగు అభిమానులు అందరూ అందరికి తెలియజేయండి; ప్రోత్సహించండి.

ఈ తెలుగు పేరుపలకల ఉద్యమంలో పాల్గొనడానికి, మీ వివరాలను ఇక్కడ నమోదు చేయండి:

Categories
తెలంగాణ

ఊరూరా గోడలపై నినాదాలతో తెలుగు కూటమి ముందడుగు

మన అమ్మనుడిని బతికించుకోడానికి మన తెలుగుకూటమి గొప్ప ముందడుగు వేస్తున్నది ఇప్పుడు.
తెలంగాణ నాట అన్ని ఊర్లల్లోని బడులవద్ద, కాలేజీల వద్ద, రెవెన్యూ ఆఫీస్ ల వద్ద గోడలపైన నినాదాలు రాయ బూనినారు.

పదిమంది మన తెలుగు అనుగరులు ఒక వ్యాన్ లో వందరోజుల పాటు ఉరూరా తిరుగుతారు. తెలుగువారితో మాట్లాడుతారు, తెలుగు కోసము పోరాడామని చెప్తారు.

మన అమ్మనుడిపై మక్కువగల తెలుగువాళ్లు అందరూ బాగా దీన్ని మెచ్చుకోవలసిందే
తెలుగు వాళ్ళు అంతా ఈ పనిని పెద్ద ఎత్తున జరిగేలా ముందుకు తీసుకెళ్లాలి.
చుక్క చుక్క కలిసి కడలి అయినట్లు మనిషి మనిషి కలిస్తేనే ఉప్పెనలా ఈ ఉద్యమాన్ని ముందుకు తీసుకెళ్లి మన అమ్మనుడిని కాపాడుకోగలం.
తెలుగు వారి ఓట్లతో గెలిచినా పాలకులు తెలుగును పట్టించుకోవడం లేదు, వారిని దించాలంటే అది మనలోనే ఉంది . అందుకు అందరూ కదలండి, మన తెలుగు జాతిని లేకుండా చేసే ఏలికల పాడు బుద్ధిని ఎండగట్టండి.

మన వాట్సాప్ టెలిగ్రామ్ తెలుగుమాట జట్లలో మన తెలుగుకూటమి చేస్తున్న పనులను గమనించడమే కాకుండా మీ వంతుగా సహకారములు అందిస్తారని కోరుకుంటున్నాము.

మొదటిగా గజ్వేల్ లో గోడలపై తెలుగు నినాదాలు చూడగలరని వేడుకోలు.

Categories
న్యాయపాలన

తెలుగులో న్యాయ పాలన

మంగారి రాజేందర్ జింబో జిల్లా జడ్జి గా , జ్యుడీషియల్ అకాడెమి డైరెక్టర్ గా ,తెలంగాణా రాష్ట్ర పబ్లిక్ సర్వీస్ కమిషన్ సభ్యులుగా పనిచేసారు 5 కథా సంపుటాలను 4 కవితా సంపుటాలను వెలువరించారు.సాహిత్య వ్యాసాలను, లెక్కలేనన్ని లీగల్ వ్యాసాలను రాసారు , రాస్తున్నారు.

Categories
గెలుపులు రాష్ట్రేతర వార్తలు

బెంగాల్లో తెలుగుకు గుర్తింపు

42% మంది తెలుగు వారు ఉన్న అరవనాట తెలుగుకు గుర్తింపు లేదు. కాని 0.1% ఉన్న బంగ రాష్ట్రంలో తెలుగుకు గుర్తింపు వచ్చింది.

ఈ విషయమై ఉద్యమకారులు కదల వలసిన తరి వచ్చినది. అరవనాడు, కర్నాటక, ఒరిస్సా లాంటి రాష్ట్రాల్లో తెలుగుకు అధికార భాషగా గుర్తింపు కోసం కదలాలి.

అరవ వారు 4% ఉన్న మలేషియా, సింగపూర్, మారిషస్ లాంటి చోట్ల తమ భాషకు గుర్హింపు తెచ్చుకొన్నారు. ఆ సూత్రాన్ని అరవనాట ఎందుకు పాటించరు అని మనం గట్టిగా అడగాలి.

Categories
తెలంగాణ న్యాయపాలన వార్తలు

తెలుగులో తీర్పు ఇచ్చిన తెలంగాణ పంచాయతీరాజ్ ట్రిబ్యునల్ కమిటీ

వార్తలు:

Categories
అవర్గీకృతం

తెలుగు కూటమికి స్వాగతం!

తెలుగు కూటమికి స్వాగతం! తెలుగు కోసం, తెలుగు వెలుగు కోసం పోరాడే భాషాభిమానులందరికీ తెలుగు కూటమి ఒక వేదికగా పనికివస్తుందని ఆశిస్తున్నాం.